Tibb mərkəzi

Hidrokolonoterapiya

PROSEDURUN TƏSVİRİ

Hidrokolonoterapiya orqanizmin şlaklardan təmizlənməsi metodikasıdır. Prosedur bağırsağın su və ya otlardan olan maye ilə yuyulmasından ibarətdir. Həmin maye orqanizmdən xüsusi cihaz vasitəsilə çıxarılır. Bütün proses tamamilə ağrısız və təhlükəsizdir.

PROSEDURUN KEÇİRİLMƏ QAYDASI

Hidrokolonoterapiya proseduruna hazırlıq bir neçə gün davam edir. Meteorizmə səbəb olan məhsullardan, məsələn, meyvələrdən, kələmdən, paxlalılardan, təzə bişmiş şirniyyatlardan uzaq duraraq, pəhrizə riayət etmək əhəmiyyətlidir. Həmçinin qazlı içkilərdən və alkoqoldan imtina etmək lazımdır. Bağırsağın yuyulmasından bir neçə gün öncə 6 həb aktivləşdirilmiş kömür qəbul etmək, prosedurdan 4 saat öncə isə heç nə yeməmək tövsiyə olunur. Ümumilikdə, bağırsağın yuyulması seansı 30 dəqiqədən 1 saatadək olan müddət ərzində davam edir. Pasiyent, rahat (yan və ya bel üstündə) vəziyyət alaraq, taxtın üzərinə uzanır. Cihaz vasitəsilə bağırsağa su daxil olur. Mütəxəssis, mayenin şlaklarla birlikdə axıb getməsi üçün, nazik steril borucuqları daxil edir. Hər şey tələsmədən həyata keçirilir ki, pasiyent narahatlıq hiss etməsin. Ən xırda xoşagəlməz hiss yarandığı zaman pasiyent hidrokolonoterapiyanın dayandırılmasını xahiş edə bilər. Bağırsağın tam yuyulması üçün bir seans kifayət etmir. Hər şey mərhələli şəkildə həyata keçirilməlidir ki, orqanizmə zərər vurulmasın. Buna görə həkimin təyin etdiyi seans sayı 5-dən 10-dək dəyişir. Bu seanslar ərzində qalın və nazik bağırsaq bütün uzunluğu boyunca təmizlənir.

GÖSTƏRİŞLƏR

• disbakterioz, ishal, bağırsaq invaziyaları, xroniki xarakterli qəbizlik, erkən mərhələdə olan babasil;
• sidik kisəsi ilə bağlı problemlər (xolesistit, hepatit və s.);
• dəri xəstəlikləri (dermatit, ekzema, akne və ya allergik səpgilər və s.);
• zəif immunitet, tez-tez baş verən soyuqdəymə xəstəlikləri;
• autointoksikasiya;
• artıq çəki (piylənmə mərhələsi);
• bəzi uroloji və ginekoloji problemlər.

ƏKS GÖSTƏRİŞLƏR

• kəskin formada bağırsaq xəstəlikləri;
• bağırsaqda şişin əmələ gəlməsi prosesi;
• babasilin kəskinləşməsi, anal çatlar, fistulalar;
• öd kisəsində və böyrəklərdə iri daşlar;
• qarnın ağ xətti və ya qasıq nahiyəsinin yırtığı.

PROSEDURUN NƏTİCƏLƏRİ

Hidrokolonoterapiya seansından sonra siz inanılmaz yüngüllük hissi keçirəcəksiniz, yorğunluq və pis əhval-ruhiyyə keçib gedəcək, artıq çəkidən qurtulduğunuzu dərhal hiss edəcəksiniz, şlak və daşların yığılması səbəbi ilə əvvəllər korreksiya olunmayan sallanan qarın isə dartılacaq və xeyli kiçiləcək. Bağırsaq təmizləmə prosedurları üzrə kursdan sonra orqanizm cavanlaşır, kiçik qırışlar hamarlaşır, səpgilər keçir, üz və əl dərisi təravətlənir.

Ultrason Terapiya/ Fonoforez

PROSEDURUN TƏSVİRİ

Fonoforez dərman vasitələrinin istifadə edilməsi ilə, bununla da, effektin gücləndirilməsi ilə (həm dərman vasitəsinin aktiv təsiredici maddələri, həm də ultrasəs dalğalar təsir göstərir), yüksək tezlikli ultrasəs dalğalarının təsirini özündə birləşdirən fizioterapiyadır.

PROSEDURUN KEÇİRİLMƏ QAYDASI

Ultrasəs preparatının manipulası pasiyentin dərisinə toxunduqda, rəqslər əmələ gəlir, mexaniki enerji istilik enerjisinə çevrilir, bununla da bərpaedici prosesləri stimullaşdırır.

Prosedur ağrısızdır və narahatlıq vermir, pasiyentlər, adətən, sadəcə emal edilən nahiyədə yüngül istilik hiss edirlər. Xoşagəlməz hislər yarandıqda, bu barədə mütəxəssisə bildirmək lazımdır, o, təsir gücünü dəyişdirəcək.

Adətən, kurs 10-15 seansdan ibarət olur. Prosedurun davam etdiyi müddət göstəricilərdən, emal nahiyəsindən və digər amillərdən asılıdır. Adətən, arzuolunan effektin əldə edilməsi üçün 15 dəqiqə kifayət edir.

GÖSTƏRİŞLƏR

• dayaq-hərəkət aparatının iltihablı xəstəlikləri: artrit, bursit, tendinit, miozit, spondiloartrit və s.;
• degenerativ-distrofik xəstəliklər, toxumalarda struktur dəyişikliklər: artroz, onurğa sütunu hissələrinin osteoxondrozu və s.;
• fəqərəarası yırtıq, protruziyalar;
• əməliyyatdan sonrakı yara yerləri;
• reproduktiv və sidik ifrazı sistemlərinin xroniki iltihablı prosesləri;
• travmaların alınması və onların nəticələri.

ƏKS GÖSTƏRİŞLƏR

• bədxassəli şişlər;
• ağır ürək-damar sistemi patologiyaları;
• kəskin və xroniki irinli iltihablı proseslər;
• kəskin endokrin pozuntular;
• emal olunan nahiyədə iri xallar;
• vərəm;
• qan xəstəlikləri.

PROSEDURUN NƏTİCƏLƏRİ

• Ultrasəs müsbət təsir göstərir:
• yüngül iltihab əleyhinə təsir;
• qan mikrosirkulyasiyasının yaxşılaşdırılması;
• mübadilə proseslərinin aktivləşdirilməsi;
• limfa axınının yaxşılaşdırılması;
• toxumaların elastikliyinin normallaşdırılması;
• əzələlərin, vətərlərin, qığırdaqların, bağların regenerasiyasının gücləndirilməsi.

Elektroforez

PROSEDURUN TƏSVİRİ

Elektroforez dərman preparatlarının aşağı gərginlikli və zəif güclü elektrik impulsların təsirinin köməyi ilə orqanizm toxumalarının dərin qatlarına tətbiq edilməsi üsuludur. Elektroforez cərəyan və dərman terapiyasının müalicəvi xüsusiyyətlərini özündə birləşdirir. Həmçinin, müəyyən göstərişlər zamanı elektroforez dərman preparatları istifadə edilmədən də həyata keçirilə bilər.

PROSEDURUN HƏYATA KEÇİRİLMƏ QAYDASI

Elektroforez proseduru xüsusi hidrofil araqatlarına malik lövhəşəkilli elektrodların təsir zonasında bərkidilməsi yolu ilə həyata keçirilir, daha sonra isə zəif gərginlikli elektrik cərəyan verilir.

Dərman elektroforezi zamanı hidrofil araqatları dərman vasitələrini hopdurur.

Daha sonra, zərurət yarandıqda, elektrodlar elastik sarğılar vasitəsilə təsbit edilir. Prosedur zamanı Siz yüngül sancma və ya yandırma hissi keçirə bilərsiniz, bu hisslər tamamilə ağrısızdır və travma vurmur. Prosedur 10-30 dəqiqə davam edir, prosedur sayı, pasiyentlərin göstəricilərinə əsasən, həkim tərəfindən təyin edilir, kursun davam etdiyi orta müddət 10-20 prosedur təşkil edir.

GÖSTƏRİŞLƏR

• sinir sistemi pozuntuları və xəstəlikləri
• arterial hipertenziya
• hipotoniya
• ürəyin işemik xəstəliyi
• dayaq-hərəkət aparatı xəstəlikləri (iltihablar, travmalar)
• xroniki tənəffüs sistemi xəstəlikləri, məsələn, bronxial astma, bronxit
• aterosklerozun ilkin mərhələsi
• mədə -bağırsaq yolu, sidik-cinsiyyət sisteminin xroniki xəstəlikləri, ginekoloji xəstəliklər
• burun-qulaq-boğaz orqanlarının xəstəlikləri

ƏKS GÖSTƏRİŞLƏR

• istənilən lokalizasiyalı və etiologiyalı şişlər
• ürək çatışmazlığı;
• süni ritm idarəsinin (kardiostimulyatorun) olması;
• kəskinləşmə mərhələsində olan iltihab prosesi;
• bədən temperaturunun yüksək olması;
• bronxial astma (ağır formada);
• qan laxtalanma pozuntuları (yüksək qanaxma dərəcəsi, qanaxmalara meyllik);
• dəri patologiyaları (ekzema, dermatit);
• dəri örtüklərinin həssaslığının pozulması;
• dərman araqatlarının qoyulduğu nahiyədə mexaniki zədələr (kiçik yaralar, kəsiklər, sıyrıqlar);
• orqanizmin elektrik cərəyanı qəbul etməməsi;
• elektroforez vasitəsilə tətbiq edilməsi tələb olunan dərman preparatına qarşı allergiya.

PROSEDURUN NƏTİCƏLƏRİ

Cərəyan impulslarının sayəsində, təsir zonasında qanın, limfanın hərəkəti güclənir, mübadilə prosesləri, toxumaların (sinir, sümük, birləşdirici toxumaların) regenerasiyası aktivləşir. Cərəyanın təsiri sayəsində, tətbiq nahiyəsindəki sahələr dərman vasitələrinin tətbiqinə və dərman terapiyası nəticələrinin yaxşılaşdırılmasına qarşı həssaslaşır.

Ozon Terapiya

PROSEDURUN TƏSVİRİ

Ozon terapiyası tibbin və kosmetologiyanın müxtəlif sahələrində istifadə olunur. 

PROSEDURUN KEÇİRİLMƏ QAYDASI

Ozon orqanizmə venadaxili olaraq, məhlul şəklində inyeksiya vasitəsilə, pasiyentin içdiyi distillə edilmiş suyun tərkibində, inhalyasiya, damcısalan vasitəsilə, rektal üsulla, ozonla zənginləşdirilmiş krem və yağların dəriyə vurulması yolu ilə, ozonlaşdırılmış su ilə dolu vannaların qəbul edilməsi ilə və başqa üsullarla yeridilir.

GÖSTƏRİŞLƏR 

• ürək-damar sistemi xəstəlikləri
• müxtəlif cərrahi müdaxilələrdən keçmiş, o cümlədən onkoloji xəstəliklərdən sonra xəstələrin əməliyyatöncəsi hazırlığı və əməliyyatsonrası reabilitasiyası
• nevroloji xəstəliklər
• mədə-bağırsaq yolu xəstəlikləri
• ginekoloji və uroloji xəstəliklər
• LOR xəstəlikləri 

ƏKS GÖSTƏRİŞLƏR

• insult
• hipertireoz
• qıcolmalara meyllik;
• orqanizmin ozonu qəbul etməməsi

PROSEDURUN NƏTİCƏLƏRİ

Ozon terapiyası orqanizmdə mübadilə proseslərini yaxşılaşdırır, immuniteti gücləndirir, patogen floranı məhv edir, qocalma proseslərini ləngidir.

Qazşəkilli ozonun dəriyə göstərdiyi təsiri nəticəsində, qan dövranı yaxşılaşır, bioloji aktiv maddələrin ifrazı artır, iltihablar zamanı orqanizmdə artıq dərialtı piyin yığılmasının qarşısı alınır. Ozon terapiyası urologiyada, nevrologiyada, ginekologiyada, kardiologiyada, ürək- damar, dəri və respirator xəstəlikləri zamanı istifadə olunur.

Lazer Terapiya

PROSEDURUN TƏSVİRİ

Lazer terapiyası əsasında konsentrasiya olunmuş işıq dəstəsi təsirinin cəmləndiyi orqanizmə fiziki təsir metodudur. Texnologiya müasir tibdə bir sıra xəstəliklərin profilaktikası və müalicəsi üçün geniş istifadə olunur. Zəif lazer şüası insan orqanizminin təbiətinə qarşı tolerantdır və kəskin antivirus, antibakterial təsirə malikdir. Lazer terapiyası qan dövranının normallaşmasına, onurğa sütunu funksiyalarının güclənməsinə, hüceyrələrdən toksik maddələrin və onların parçalanma məhsullarının çıxarılmasına səbəb olur.

PROSEDURUN KEÇİRİLMƏ QAYDASI

Lazer terapiyası zamanı şüa yayanın bilavasitə olaraq zədələnmə ocağına və yaxınlıqdakı toxumalara, refleksogen zonalara, habelə, zədələnmiş orqanın, hərəkət sinirlərinin və bioloji aktiv nöqtələrin proyeksiya yerinə təsirindən istifadə olunur (prosedur 15 dəqiqəyədək davam edir). İşıq şüaları toxumaların içinə 13 sm qədər dərinliyə nüfuz edir, bununla da hüceyrə səviyyəsində struktur qradasiyalarına səbəb olur. Lazer terapiyası zamanı limfa axını və qan dövranı stimullaşır, hüceyrədaxili və membran maddələr mübadiləsi sabitləşir. Fizioterapiyada bu metod immunitetin gücləndirilməsi və toxumalarda, orqanlarda bərpaedici proseslərin sürətləndirilməsi üçün istifadə olunur. Optimal müalicəvi effektə nail olmaq üçün, lazer terapiyası bir neçə kursda, adətən, 10-12 gündəlik prosedur şəklində həyata keçirilir.

GÖSTƏRİŞLƏR

• toxuma və orqanlarda kəskin və xroniki iltihab prosesləri;
• travmalardan və əməliyyat müdaxiləsindən sonra yoluxucu ağırlaşmalar;
• ekzotoksikoz və endotoksikoz
• tromboflebitlər və trombozlar;
• işemik ürək xəstəliyi, serebrovaskulyar çatışmazlıq;
• limfostaz;
• auotimmun xəstəlikləri;
• pankreatit;
• dermatoz, neyrodermit;
• viruslu hepatit, herpes

ƏKS GÖSTƏRİŞLƏR

Aşağıda qeyd olunan xəstəliklər və orqanizm vəziyyətləri lazer terapiyasının keçirilməsi üzrə mütləq əks göstərişləri təşkil edir:

• Şəkərli diabet;
• Ürək və böyrək çatışmazlığı;
• Toxumaların irinli xəstəlikləri;
• Bədən temperaturunun artması və titrəmə;
• Orqanizmin fərdi olaraq lazer şüalanmasını qəbul etməməsi

PROSEDURUN NƏTİCƏLƏRİ

Prosedur antimikrob, ağrıkəsici, virus əleyhinə təsir göstərir. İstifadə edildikdə, kapillyarların genişlənməsi baş verir, qanın qatılığı və xolesterin səviyyəsi azalır, hüceyrələrin qidalanması yaxşılaşır. Bundan əlavə, lazer şüalanması orqanizmin dərman vasitələrinə qarşı həssaslığını bir neçə dəfə artırır ki, bu da müalicə vaxtını qısaldır və qısa müddət ərzində müsbət nəticələr əldə etməyə imkan verir.

Sollyuks/ İnfraqırmızı işıq

PROSEDURUN TƏSVİRİ

Sollyuks infraqırmızı şüalanmanın təsirinə əsaslanan müalicə üsuludur. Müalicə nəticəsində dərinin temperaturu artır və damarlar genişlənir. Bu, öz növbəsində, qan təchizatını artırır və iltihab proseslərinin qarşısını alır.

PROSEDURUN KEÇİRİLMƏ QAYDASI

"Sollyuks" lampası işıqla müalicə növlərindən biridir - istilikli infraqırmızı və görünən işıqlı-istilikli şüalanma vasitəsilə müalicə üçün nəzərdə tutulub. Yerli şüalanma zamanı lampa xəstənin yan tərəfində, ondan 50 sm – 1 m məsafədə qoyulur, şüalar isə bədənin müvafiq nahiyəsinə istiqamətləndirilir. Prosedur 15-30 dəqiqə davam edir. Effektiv nəticənin əldə edilməsi üçün 10-15 prosedurun daxil olduğu bütün müalicə kursundan keçmək lazımdır.

GÖSTƏRİŞLƏR 

• Dəri xəstəlikləri
• Qadın orqanlarının xəstəlikləri
• Qaraciyər xəstəlikləri
• Öd yollarının xəstəlikləri
• Nevrit
• Radikulit
• Parez və iflic

ƏKS GÖSTƏRİŞLƏR

• yenitörəmələr;
• qanaxmaya meyllik;
• ürək xəstəlikləri 
• kəskin ateroskleroz və hipertoniya;
• vərəm;
• hissiyyatın pozulması ilə mərkəzi sinir sistemi xəstəlikləri.

Mikrodalğalı Diatermiya

PROSEDURUN TƏSVİRİ

Diatermiya xəstəliklərin yüksək tezlikli cərəyanla müalicə olunduğu prosedurlardan biridir ki, bununla da istilik effekti yaranır. Diatermiya üsulu toxumaların və orqanların dərin təbəqələrinin yüksək tezlikli dəyişən cərəyan vasitəsilə isinməsinə əsaslanır. Bir qayda olaraq, mütəxəssislərimiz diatermiyanı travmalar, dayaq-hərəkət aparatı xəstəlikləri, oynaq, bağ və əzələ iltihabları zamanı kompleks terapiyanın tərkibində təyin edir. 

PROSEDURUN KEÇİRİLMƏ QAYDASI

Pasiyent, təsirin hansı zonaya göstəriləcəyindən asılı olaraq, uzanaraq və ya oturaraq vəziyyətini alır. Prosedur zamanı müxtəlif formalı elektrodlar istifadə olunur. İki növ mövcuddur: fiqurlu və yastı. Fiqurlu elektrodlar, əsasən, qulaqlar, gözlər üçün və ya düz bağırsağa və uşaqlığa yeridildikdə istifadə olunur. Yastı elektrodlar beldə, qarında və döş nahiyəsində istifadə olunur. Bütün orqanizmə təsir zamanı isə, iki böyük metal lövhənin quraşdırıldığı xüsusi taxt istifadə olunur. Prosedur 20 dəqiqədən 40 dəqiqəyədək olan müddət ərzində davam edir.

GÖSTƏRİŞLƏR

• Artrozlar;
• Xroniki otitlər;
• Oynaqların travmatik zədələnməsi;
• Bağların dartılması;
• Enterokolit;
• Vətər xəstəlikləri;
• Miozitlər;
• Bursitlər;
• Nevralgiya;
• 1-2 dərəcəli ürəyin işemik xəstəliyi;
• Mialgiya;
• Obliterasiyaedici endartrit;
• Seroz plevriti;
• Bronxial astma;
• Prostatit;
• Bağırsaq spazmları;
• Mədə hipersekresiyası;
• Yapışma prosesləri;
• Xolesistit;
• Xroniki vezikulit;
• Qadın reproduktiv orqanlarının iltihablı xəstəlikləri;
• İrit;
• İridosiklit;
• Artrit;
• Udlağın və ya qırtlağın iltihablı xəstəlikləri.

ƏKS GÖSTƏRİŞLƏR

• Bədxassəli yenitörəmələr;
• Orqanizmin elektrik cərəyanı qəbul etməməsi;
• Titrətmə qızdırma;
• Kardiostimulyatorun olması;
• Kəskin infeksion proseslər;
• Qan laxtalanmasının pozulması.

PROSEDURUN NƏTİCƏLƏRİ

Toxumaların metabolizmi artır, CO2 düşməsi sürətlənir, əzələlərdə süd vəzisinin qısalması baş verir, eyni zamanda, qan təchizatı yaxşılaşır, müvafiq olaraq, oksigenin, qidalandırıcı maddələrin və zülalların verilməsi sürətlənir. Deməli, müalicə olunan nahiyədə pH balansı daha az oksigenli olur ki, bu da, ilk növbədə, daha tez bərpaya səbəb olur və yara yeri toxumasının əmələ gəlməsini azaldır. Diatermiya həmçinin limfatik drenaja səbəb olur və "sərt" oynaqların elastikliyini yaxşılaşdırır, habelə, əzələlərdəki gərilməni azaldır.

Vakuum Elektroterapiya

PROSEDURUN TƏSVİRİ

Vakuum elektroterapiyasının əsas məqsədi, hər hansı preparat istifadə edilmədən, bədəni mübadilə proseslərinin aktivləşdirilməsi üçün stimullaşdırmaqdan ibarətdir. Buna nail olmaq üçün, xüsusi bankalar və taxmalar istifadə olunur ki, onlar vasitəsilə daxildə mənfi təzyiqin əldə edilməsi üçün hava sorulur.

PROSEDURUN KEÇİRİLMƏ QAYDASI

Vakuum elektroterapiyası zamanı bankalar xüsusi bioloji aktiv nöqtələrə qoyulur ki, həmin nöqtələrin stimullaşdırılması daxili orqanların funksiyalarını və orqanizmin müdafiə güclərini aktivləşdirir. Təzyiqin dəyişməsi səbəbi ilə, lokal olaraq qan axını güclənir, bu isə qan dövranını və limfanın xəstə nahiyədən axın getməsini yaxşılaşdırır. 

GÖSTƏRİŞLƏR 

• Ağrı sindromu ilə müşayiət olunan bel xəstəlikləri (osteoxondroz, radikulit, lümbaqo, bel əzələlərinin gərilməsi).
• Xroniki formada tənəffüs sistemi xəstəlikləri (bronxial astma, xroniki bronxit, bronxoektatik xəstəlik, tez-tez baş verən pnevmoniyalar).
• Hipertoniya xəstəliyi
• Xroniki yorğunluq sindromu
• Mədə-bağırsaq yolu xəstəlikləri (xora xəstəliyi, qastrit, xolesistit)
• Selülit.
• Qabaq qarın divarı əzələlərinin möhkəmləndirilməsi.
• Baş ağrısı, gərginlik, miqren.
• Onurğa sütununun boyun hissəsinin osteoxondrozu
• Onurğa sütununun döş hissəsinin osteoxondrozu.
• Tənəffüs orqanlarının xroniki xəstəlikləri (traxeobronxitlər, bronxial astma).
• Ağciyərlərdə durğunluq halları.
• Qabırğaarası nevralgiya

ƏKS GÖSTƏRİŞLƏR

• Dərinin bakterial, göbələk, virus infeksiyası.
• Allergik dermatitlər.
• Onkoloji xəstəliklər.
• Hipertoniya xəstəliyinin ağır forması.
• Qanaxmaya meyllik.
• Titrətmə qızdırma ilə müşayiət olunan kəskin yoluxucu xəstəliklər.
• Hamiləlik.

PROSEDURUN NƏTİCƏLƏRİ

Vakuum elektroterapiyasının effekti qısa müddətdə özünü büruzə verir. Artıq birinci seansdan sonra, ağrı sindromları dayanır, toxumaların ödemi azalır, əzələlərin gərilmə dərəcəsi aradan qalxır və xəstənin ümumi vəziyyəti yaxşılaşır. Bu metodun orqanizm üçün faydası, dərman vasitələri ilə, ağrıkəsici preparatın tətbiq edilməsi yolu ilə dayandırma ilə müqayisədə, daha çoxdur.

İnqalyasiya

PROSEDURUN TƏSVİRİ

İnhalyasiya yuxarı və aşağı tənəffüs yollarının (ağ ciyər, bronxlar) dərmanların təsiredici maddəni buxar molekullarına səpələyən nebulayzer vasitəsilə ciyərə alınması yolu ilə müalicəsi üsuludur. Bu üsul KRVİ-ni və onların ağırlaşmalarını, riniti, sinusiti, tonzilliti, bronxial astmanı və bir çox digər xəstəlikləri effektiv şəkildə müalicə etməyə imkan verir.

PROSEDURUN KEÇİRİLMƏ QAYDASI

İnhalyasiyalar artıq bir neçə prosedurdan sonra lazımı effekt verəcək. Lakin nebulayzer vasitəsilə inhalyasiyanın necə edildiyini hər kəs bilmir. Bir sıra qaydalar var ki, onlara laqeyd yanaşaq olmaz:

• inhalyasiyaya qida qəbulundan və ciddi fiziki yüklənmələrdən 1-1.5 saat sonra başlamaq lazımdır;
• inhalyasiya terapiyası zamanı tütün çəkmək tövsiyə olunmur;
• burun-udlaq, burun və ya burunətrafı boşluqların xəstəlikləri zamanı, maskadan və ya xüsusi taxmalardan istifadə edərək, nazal inhalyasiyanın keçirilməsi (aerozolu burundan ciyərə almaq daha yaxşıdır) tövsiyə olunur;
• prosedurdan sonra ağızı otaq temperaturuna qədər soyudulmuş qaynadılmış su ilə yaxalamaq lazımdır. İnhalyasiya üçün maska istifadə edilmişdirsə, üzü və gözləri də yaxalamaq zəruridir;
• inhalyasiyadan sonra 15-20 dəqiqə ərzində qida qəbul etmək, su içmək və danışmaq qadağandır;
• dərman vasitələri ilə inhalyasiyaları sutkada 3 dəfəyədək həyata keçirmək lazımdır.

GÖSTƏRİŞLƏR

• KRVİ, QRİP;
• Bronxit;
• Pnevmoniya;
• Astma;
• Vərəm;
• İİV infeksiyaları;
• Əməliyyatsonrası vəziyyətlərin profilaktikası.

ƏKS GÖSTƏRİŞLƏR

• Bədən temperaturunun 37,5 olması;
• Müxtəlif ürək xəstəlikləri;
• Qan dövranı sistemi xəstəlikləri;
• Hipertoniya;
• Ağciyər çatışmazlığı;
• Preparatlara qarşı allergiya.

Darsonval

PROSEDURUN TƏSVİRİ

Darsonvallaşdırma orqanizmin səthi toxumalarına və selikli qişalarına yüksək tezlikli v zəif dəyişən impulsiv cərəyanlarla təsirin göstərilməsidir. Qan damarlarını genişləndirir, yerli qan dövranını aktivləşdirir, venoz stazı azaldır, damarların keçiriciliyini artırır, dərini oksigenlə zənginləşdirir və onu mikroelementlərlə təmin edir. Toxumaların qidalanmasını yaxşılaşdırır, maddələr mübadiləsini stimullaşdırır. Yerli qaşınma, iltihab əleyhinə, analgetik, trofik və bakterisid effekt göstərir.

PROSEDURUN KEÇİRİLMƏ QAYDASI

Cihazın bir neçə rejimi - gücü var. Onlardan hər birini, tətbiq ediləcək nahiyədən asılı olaraq, seçmək tövsiyə olunur. Cihazın yaratdığı dəyişən cərəyan, dəri ilə təmas zamanı, toxumaları və damarları tonusa gətirir, bununla da qan və limfa axınını yaxşılaşdırır və sürətləndirir. Belə ki, təsir zonasında maddələr mübadiləsi və toxumaların qidalanması yaxşılaşır. Aparat istifadə edildiyi zaman kiçik miqdarda cərəyanın təsiri altında ozon əmələ gəlir. Cavanlaşdırıcı və stimullaşdırıcı effektlərdən başqa, ozon bakterisid xüsusiyyətlərə malikdir.

PROSEDURUN TƏTBİQ EDİLMƏSİ MƏQSƏDİ

Cərəyanla fizioterapevtik prosedurlar insan orqanizminə dərhal təsir göstərir. Bu prosedurlar keçirildikdən sonra, ağrı sindromu əhəmiyyətli dərəcədə azalır və ya ümumiyyətlə yox olur, mübadilə prosesləri normallaşır, iltihab reaksiyası azalır, toxumaların trofikası yaxşılaşır, regenerativ proseslər aktivləşir. Bədənin müxtəlif nahiyələrində müntəzəm olaraq tətbiq edildiyi zaman qocalma prosesləri ləngiyir, dərinin, saçların keyfiyyəti nəzərə çarpacaq dərəcədə yaxşılaşır, ağrı hissi aradan qalxır, bədən daha qamətli olur. Cərəyanla terapiya kosmetik vasitələrin verdiyi effekti yaxşılaşdırır, onların keçiriciliyini bir neçə dəfə gücləndirir.

DARSONVAL ÜÇÜN GÖSTƏRİŞLƏR

• akne;
• infeksion dəri patologiyaları;
• aşağı tonus, dəri zəifliyi və qırışlar;
• yüksək yağlılıq dərəcəsi və iri məsamələrin mövcudluğu;
• limfostaz və digər durğunluq halları;
• dermatit, dəmrov, ekzema, üzün qeyri-bərabər rəngi;
• ödemlilik;
• allopesiya və saçların həddindən artıq tökülməsi;
• selülit və piy yığıntıları;
• osteoxondroz və oynaq xəstəlikləri

DARSONVAL ÜÇÜN ƏKS GÖSTƏRİŞLƏR

• Hamiləlik;
• Təsir zonasında tük örtüyünün bol olması;
• Kəskin və ya müalicə edilməyən kuperoz;
• Ürək-damar çatışmazlığı və aritmiya;
• Kardiostimulyatorun olması;
• İstənilən növ yeni törəmənin olması;
• KRVİ;
• Dərinin yoluxucu xəstəlikləri;
• Ağciyər vərəmi;
• Ağır hipertoniya forması;
• Uşaqlara əks göstərişlidir;
• Yüksək həssaslıq dərəcəsi və allergik reaksiyalara meyl; Orqanizmin proseduru fərdi ol
• Tromboflebit;
• Epilepsiya;

PROSEDURUN NƏTİCƏLƏRİ

Fizioterapiyanın və cərəyanın tətbiq edilməsi ilə prosedurların effektivliyi artıq çoxdan sübut edilib. Müasir tibb müəssisələrində və fiziokabinetlərdə çoxdandır cərəyanın köməyi ilə ən müxtəlif xəstəliklərin müalicəsi üçün aparatlar quraşdırılıb.

Kosmetologiyada cərəyanlar eyni prinsiplə təsir göstərir - maddələr mübadiləsini aktivləşdirir, durğunluq hallarından xilas edir, dərinin və saçların keyfiyyətini yaxşılaşdırır. Cərəyan, sözün əsl mənasında, yaş keçdikcə orqanizmimizdə zəifləyən prosesləri (kollagen, elastin ifrazı, oksigenlə zənginləşdirmə, qidalandırma) həyata qaytarır və bərpa edir. Cərəyanın təsiri sayəsində, damarlar, kapillyarlar və əzələlər reflektor olaraq tonusa gətirilir. Bu cür "məşq" onların elastikliyini qoruyub saxlamağa imkan verir ki, nəticədə, qan dövranı normallaşacaq, toxumalar kifayət qədər oksigenlə təmin ediləcək və mübadilə prosesləri sürətlənəcək.

Amplipuls Terapiya

PROSEDURUN TƏSVİRİ

Amplipulsoterapiya kontakt olaraq pasiyentin bədənində dəri örtüklərinin müəyyən nahiyələrinə qoyulmuş elektrodlar və nəm hidrofil araqatları vasitəsilə müvafiq parametrli dəyişən elektrik cərəyanla lokal təsir metodudur.

PROSEDURUN KEÇİRİLMƏ QAYDASI

Amplipulsoterapiya elektrik cərəyan keçirən aparatların və bədənin problemli nahiyələrində yerləşdirilən elektrodların köməyi ilə həyata keçirilir. Yüngül vibrasiya hiss olunur ki, bu da əzələ liflərinin qısaldığını təsdiq edir. Cərəyanın alqoritmi və tezliyi müxtəlif xəstəliklər üçün fərqli olur. Hər bir xəstəlik üçün ona uyğun cərəyanla təsir alqoritmi tərtib olunub. 

AMPLİPULSUN TƏTBİQ EDİLMƏSİ ÜÇÜN GÖSTƏRİŞLƏR

Amplipulsun tətbiq edilməsi üçün göstərişlər dayaq-hərəkət aparatı, əzələ və sinir sisteminin ağrı sindromu ilə müşayiət olunan xəstəlikləridir (radikulitlər, oxteoxondrozlar, artrozlar, artritlər, onurğa sütunu disklərinin protruziyaları və yırtıqları, travmalar, nevralgiyalar, müxtəlif ağırlıq dərəcəli revmatoid xəstəlikləri, habelə, birləşdirici toxuma xəstəlikləri).

• istənilən yerləşməli osteoxondrozlar;
• Uşaq serebral iflici;
• radikulitlər;
• istənilən ölçüdə fəqərəarası yırtıq;
• müxtəlif mənşəli artritlər və artrozlar;
• sinir kökcüklərinin kompressiyaları;
• onurğa sütunu əyrilikləri;
• ateroskleroz;
• keçirilmiş insult fonunda ifliclər;
• nevralgiyalar;
• nevrozlar;
• dayaq-hərəkət aparatı travmaları;
• əzələ toxuması distrofiyası.

ƏKS GÖSTƏRİŞLƏR 

• sümük qırıqlarının hərəkətsizləşdirilməsinin həyata keçirilmədiyi sınıqlar
• bağ aparatının yarılması
• hematomalar
• öd və sidik daşı xəstəliyi
• elektrik cərəyanına qarşı yüksək həssaslıq
• varikoz xəstəliyi

PROSEDURUN NƏTİCƏLƏRİ

• Sinusoidal modullaşdırılmış cərəyanların təsiri altında orqanizmdə aşağıda qeyd olunan müsbət dəyişikliklər baş verir:
• toxumaların qan dövranı və limfa mayelərinin drenajı güclənir;
• mübadilə prosesləri normallaşır;
• əzələ spazmları aradan qalxır;
• ağrı hissi və iltihablar dayanır.
• Bundan əlavə, aşağı tezlikli cərəyanlarla bədənin geniş nahiyələrinə təsir göstərildiyi zaman özünü yuxunun normallaşması və ümumi sinir gərginliyinin aradan qaldırılması ilə büruzə verən sedativ effekt baş verir.

Limfodrenaj

PROSEDURUN TƏSVİRİ

Limfodrenaj və ya press terapiyası hüceyrələrarası boşluqdan mayenin və mübadilə məhsullarının çıxarılmasını nəzərdə tutan, limfa sirkulyasiyasını yaxşılaşdıran fizioterapiya üsuludur. Limfodrenaj həyata keçirilərkən, limfa, venoz və sinir sisteminə aktiv təsir göstərilir, əzələlər boşaldılır, damarlar genişlənir, limfa sirkulyasiya edir və bütün orqanizmdə bərabər şəkildə paylanır.

PROSEDURUN KEÇİRİLMƏ QAYDASI

Aparatla limfodrenaj və ya press terapiyası, xüsusi kostyum sayəsində (aşağı ətraflar və qarın zonası üçün) həyata keçirilir ki, bura sıxışdırılmış hava daxil edilir və, bunun sayəsində, terapiya həyata keçirilir. Zəruri təzyiq kompüter proqramı vasitəsilə tənzimlənir. Rejim, həkimin göstərişlərindən və konkret məqsədlərdən irəli gələrək, hər ayrıca pasiyentin xüsusiyyətləri nəzərə alınaraq, seçilir.

GÖSTƏRİŞLƏR 

• Xroniki venoz çatışmazlığı, ayaq ödemliliyi, əməliyyatsonrası və ya travmasonrası
• ödemlilik, o cümlədən onkoloji əməliyyatdan - mastektomiyadan sonra
• Dayaq-hərəkət aparatı xəstəlikləri: podaqra, artritlər, artrozlar, osteoxondrozlar
• Selülit, piylənmə, lokal piy toxuması çöküntüləri, əzələlərin həddindən çox gərilməsi
• Qəbzlik, bağırsağın motor funksiyalarının zəifləməsi, qarın boşluğunun yapışma prosesləri
• Stresslər, xroniki yorğunluq sindromu, yuxusuzluq.

ƏKS GÖSTƏRİŞLƏR

Dərin venaların trombozu, kəskin nevropatiya və pleksopatiya, kəskin ağ ciyərlər ödemi, yumşaq toxuma travmaları, kəskin tromboflebit, ürək-damar xəstəliklərinin dekompensasiyası, epilepsiya, titrətmə qızdırma, qlaukoma, qaraciyər və böyrək çatışmazlığı, qalxanabənzər vəzi xəstəlikləri (hiperterioz), yoluxucu xəstəliklər, limfangit, ostesintez və təsir zonasında endoprotezin qoyulması, kardiostimulyatorun olması, bədxassəli hipertenziya.

PROSEDURUN NƏTİCƏLƏRİ

Limfodrenaj çoxlu effektlərə malikdir: ağrıkəsici, ödem əleyhinə, yara sağaldıcı, əzələ toxumasını boşaltma, maddələr mübadiləsini, toxumaların regenerasiyasını və qidalanmasını gücləndirir.

Maqnit Terapiya

PROSEDURUN TƏSVİRİ

Maqnit terapiyası orqanizmin problemli zonasına dəyişən və ya sabit təsirli aşağı tezlikli maqnit sahələrinin təsirinə əsaslanan məşhur fizioterapiya qəbuludur. Müalicəvi və profilaktik məqsədlərlə, baza, tamamlayıcı metod kimi və ya dərman terapiyasının alternativi qismində istifadə olunur.

PROSEDURUN KEÇİRİLMƏ QAYDASI

Pasiyent bütün bədən boyunca hərəkət edən aparatın içinə yerləşdirilir və orqanizmə müxtəlif tezlikli maqnit impulsları ilə təsir göstərilir. Mobil aparatlardan istifadə edildiyi zaman prosedurun mahiyyəti zədələnmiş orqanlara lokal təsir üçün maqnitin ağrılı nahiyələrə qoyulmasından ibarət olur. Maqnit terapiyası kursu 10-15 seans davam edir. Prosedurları hər gün və ya bir gündən bir həyata keçirilməlidir. Prosedur ən çoxu 30 dəqiqə davam edir.

GÖSTƏRİŞLƏR

Maqnit terapiyası, demək olar ki, bütün orqan və sistemlərin patologiyalarının müalicəsi üçün, habelə, profilaktik məqsədlərlə, həmçinin, uzunmüddətli xəstəliklərdən və əməliyyatlardan sonra bərpa üçün istifadə olunur.

Göstərişlər sırasına aşağıdakılar daxildir:

• ürək xəstəlikləri;
• nevroloji pozuntular;
• onurğa sütunu travmaları;
• qan dövranının pozulması;
• endokrin sistem xəstəlikləri;
• dayaq-hərəkət aparatı travması;
• sidik-cinsiyyət xəstəlikləri, yoluxucu xəstəliklər 

ƏKS GÖSTƏRİŞLƏR

• Ürək ritminin pozulması və ürək çatışmazlığı.
• Damarlarda və ürəkdə cərrahi müdaxilələr, keçirilmiş miokard infarktı, stentləmə.
• Hipotoniya (aşağı arterial təzyiq).
• Qanaxmalar.
• Kardiostimulyatorun olması.
• Qalxanabənzər vəzinin funksiyasının artması.
• Açıq formalı ağciyər vərəmi.
• Tromboflebit.
• Psixi pozuntular.
• İrinli xəstəliklər.
• Alkoqol sərxoşluq.
• Yoluxucu xəstəliklərin kəskin dövrü.
• Onkologiya (bədxassəli şişlər)

PROSEDURUN NƏTİCƏLƏRİ

Maqnit təsirli prosedurlar damar genişləndirici effekt göstərir, ağrını kəsir, iltihabı götürür, bədəni boşaldır və orqanizm hüceyrələrinin regenerasiyasına səbəb olur.

Massaj

Massaj xidmətləri:

• Klasik massaj (15 dəq)
• Klasik massaj (30 dəq)
• Relax massaj (45 dəq)
• Ümumi Relax massaj (60 dəq)

Uroloqiya

Uroloji xidmətlər:

• Uroloq müayinəsi
• Rektal tampon
• Uroloji massaj

Müalicə Bölümü

• Laboratoriya
• Kardiologiya
• USM
• Terapiya
• Urologiya
• Dermatologiya
• Fizioterapiya
• Naftalan vannaları
• İnhalyasiya
• Parafin aplikasiyaları
• Massaj

Ultra səs müayinə

USM xidmətləri:

• USM (qarın boşluğu)
• Tam abdomenal USM
• Transvaginal USM
• Qalxanavari vəz USM

Naftalan Nannaları

Naftalan Vannaları:

• Tam bədən naftalan vannası
• Oturaq naftalan vannası
• Nahiyyələr üzrə naftalan vannası

Dartma-Traksiya terapiya

PROSEDURUN TƏSVİRİ

Traksiya terapiyası (onurğa sütununun düzləşdirilməsi) dozalara bölünmüş düzləşdirmə yolu ilə orqanizm toxumalarına təsirin göstərilməsidir. Bu, onurğa sütunu xəstəliklərinin əksəriyyətinin, o cümlədən, osteoxondroz, skolioz, fəqərəarası yırtığın müalicəsini təşkil edən əsas komponentlərdən biridir.

PROSEDURUN KEÇİRİLMƏ QAYDASI

Onurğa sütununun düzləşdirilməsi düzgün istifadə edildikdə onurğa sütununun bu və ya digər hissəsini tədricən düzləşdirən xüsusi cihazlar, kəmərlər, halqa və bloklar vasitəsilə həyata keçirilir. Prosedur 30-40 dəqiqə davam edir.

GÖSTƏRİŞLƏR

• fəqərəarası disklərin qabarması və ya yırtığı nəticəsində bel ağrısı;
• onurğa diskləri ilə bağlı ağrılar;
• oynaq ağrıları;
• spondilez;
• oynaq səthlərinin zədələnməsi;
• sinirlərin sıxılması;
• hərəkətliliyin azalması;
• kompressiya sınıqları;
• əzələ spazmları;
• boyun radikulopatiyası.

ƏKS GÖSTƏRİŞLƏR

• 16 yaşadək və 60 yaşdan yuxarı olan pasiyentlər;
• hamiləlik;
• onurğa sütunu və sinirlərin iltihab prosesləri;
• təzə onurğa sütunu travmaları;
• kəskin deformasiya edici spondilez;
• onurğa sütununda əməliyyatlardan sonra ağırlaşmalar;
• maddələr mübadiləsinin pozulması xəstəlikləri;
• onurğa beyni və onurğa sütunu şişləri;
• öd və sidik daşı xəstəliyi;
• kəskinləşmə mərhələsində olan mədə və onikibarmaq bağırsaq xorası.

PROSEDURUN NƏTİCƏLƏRİ

Traksiya təsiri altında onurğa-hərəkət seqmentlərinə düşən yük azalır, diskdaxili təzyiq azalır və fəqərəarası oynaqların bloku açılır. Bu prosedurdan sonra ağrı azalır, əzələ gərginliyi aradan qalxır, hərəkətlilik hüdudları genişlənir, elastiklik inkişaf edir, ödemlilik azalır, onurğa sütunu yırtığı müalicə olunur, sinirlərin sıxılması halları aradan qalxır.

Parafin terapiya

Parafin xidmətləri:

• Parafin Qol
• Parafin Ayaq
• Parafin Kürək
• Parafin Onurğa

Kardiologiya

Kardioloji xidmətlər:

• EKQ
• Kardioloq müayinəsi

Ginekologiya

Ginekoloji xidmətlər:

• Ginekoloq müayinəsi
• Ginekoloji müalicə 
• Ginekoloji massaj

Laboratoriya

Biokimyəvi analizlər:

• ALAT
• ASAT
• Kreatinin
• Qlükoza
• CA
• ASO
• RF
• CRP
• UA
• UREA
• Bilrubin total
• Bilrubin sərbəst
• Birsulyoz
• GGT
• ALP

Lipid spektoru:

• CHOLESTEROL
• HDL
• LDL
• VLDL
• Trigliserid

Qanın ümumi analizi:

• Hemoqramma
• EÇS
• Qan qrupu
• Flebitomia

İnfeksiyalar- Kart test:

• Hepatit B
• Hepatit C
• HİV
• SPHİLİS

Koallaqramma:

• PT
• APTZ
• Laxtalanma zamanı

İFA:

• T3
• T4
• TSH
• PSA
• Vitamin D

Laborator Xidmətlər:

• Venadaxili inyeksiya
• İnfuz Terapiya

Fizioterapiya

Fizioterapiya xidmətləri:

• Limfodrenaj
• Ozon Terapiya
• Amplipuls Terapiya
• Darsonval
• Vakuum elektroterapiya
• Elektroforez
• Sollyuks/ İnfraqırmızı işıq
• Lazer Terapiya
• Maqnit Terapiya
• Mikrodalğalı Diatermiya
• Ultrason terapiya/ Fonoforez
• UVÇ/ PUVA
• İnqalyasiya
• Dartma-Traksiya terapiya
• Hidrokolonoterapiya